!ها شنو خاصك تعرف

شنو هي أحسن طريقة باش نستافد من هاد المحتوى ؟

أول حاجة غادي يخصك تخصص واحد الكتاب باش تبقا تسجل العبارات و أي ملاحظة تقدر تفيدك فعملية التعلم
ثانيا حاول تكتب العبارات اللي سمعتي فالكتاب ديالك بخط يديك
و قارنو مع شنو كتبتي و سطر على الأخطاء اللي درتي material section ثالثا شوف النص ف 
رابعا سمع للتسجيل مرة آخرة و نتا تا تقرا النص و حاول تشوف واش فهمتي
خامسا كليكي على show arabic باش تشوف الترجمة و تأكد من راسك واش فهمتي
هادشي يقدر ياخد منك 30 دقيقة غادي يخصك تكررو بشكل يومي كل نهار مع دروس جديدة

واش نقدر ندير كثر من 30 دقيقة ؟

الجواب باختصار هو نعم و لكن اللي تا نرشحو للمتعلمين عندنا هو 30 دقيقة يوميا باش تفادى إشكال ما تكثرش على راسك و تولي تجيك الحصة اليومية ثقيلة و لكن المهم هو ما تنزلش على 30 دقيقة تحت أي ظرف من الظروف بالإضافة لأنه الوقت اللي تا يقدر الدماغ يركز فيه كثر هو 25 دقيقة تقريبا يعني الوقت ما اختاريناهش عشوائيا.

واش غادي يخصني نحفظ العبارات ؟

خليني نسولك ... حافظ الآذان ؟ غالبا أه .. كيفاش حتى حفظتيه ؟ بأنك تا تسمعو و تعاود تا لقيتيه دخل للعقل اللاواعي ما تقدرش تغلط فيه دابا هادشي اللي بغيتك دير مع هاد العبارات ... الشيء إذا تكرر تقرر

كيفاش نقدر نعقل على هاد العبارات ؟

ببساطة دخلهم فحياتك اليومية. بحال عبارات التحية استعملهم مع الناس االي عايشين معاك باستعمال الأسماء ديالهم...خلق حوارات فين تستعمل هاد العبارات مع صحابك او خوتك أو ايلا كنتي بوحدك لعب جوج أدوار و نتا تا تسجل راسك فيديو بتيليفونك (واخا تبان ليك طريقة عبيطة أو بسيطة راها فعالة جرب و غا تشوف)